Tá stair láidir ag an gCumann i gComórtas Peile na Gaeltachta ón tús.  Bhí Michael Tom Ó Cualáin ar fhoireann Ghaeltacht Chonamara a bhuaigh an Craobh Náisiúnta i 1970 agus bhuaigh muid féin an Comórtas Sóisear i mBéal a’ Mhuirthid i 1987.  Bhíomar i gcluiche ceannais an comórtas sinsir i 1993 i Rath Cairn ach bhuaigh Clochán Fhaoile orainn le cheithre phointe.  Níor éirigh linn áit a bhaint amach arís sa gcomórtas náisiúnta go dtí 2001 nuair a bhuaigh muid an Comórtas áitiúil i ngrád na Sinsir don chéad uair ó 1975.   Bhain triúir ban ón gCumann comórtas an Chailín Gaelach, b’iad sin Mairéad Ní Neachtain i 1987, Tríona Ní Ráinne i 1991 agus Máire Áine Ní Iarnáin i 2002.

Máire Áine Ní Iarnáin, An Cailín Gaelach 2002 ag caint le Máirtín Tom Sheáinín Mac Donnacha