Tá foirne againn ag imirt sna grádanna seo: Sinsear, Sóisear A, Sóisear C, Faoi 21, Mionúir, Faoi 16, Faoi 14, Faoi 12, Faoi 10 agus Faoi 8.

Foirne na mBan: Sóisear, Mionúir, Faoi 16, Faoi 14, Faoi 13 agus Faoi 11

Seo liosta de na bainisteoirí foirne

 

Thosaigh Fiachra Breathnach ar an line leathchúl, ar dheis, ar fhoireann sinsir na Gaillimhe a fuair an ceann is fearr ar Liatroim i Sraith FBD Chonnacht le 1-8 i gcoinne 1-5 i dTuaim ar an Domhnach, 10 Eanáir. Scóráil sé pointe sa gcéad leath. Fuair Gaillimh an ceann is fearr ar Ros Comáin i gcluiche ceannais an FBD ar Pháirc Naomh Iarlaithe i dTuaim ar an Domhnach, 24 Eanáir, 2-8 le 0-13

Bhí Tadhg Ó Máille, Seán Aindí Ó Ceallaigh agus Evan Ó Flatharta ar fhoireann Faoi 21 na Gaillimhe a d'imir i gComórtas Peter McNulty. Chríochnaigh siad cothrom leis an Clár sa gcéad cluiche 1-11 an taobh, ach theip orthu i gcoinne Cill Dara 1-20 le 0-9 agus fuair Laois an ceann is fearr orthu sa gcluiche deireadh, 1-17 le 2-9.

 

Bhí Sarah Ní Loingsigh ar phainéal Ban na Gaillimhe a d'imir sa tSraith Náisiúnta Peile Roinn 1. Ar an Domhnach, 7 Feabhra, fuair siad an ceann is fearr ar Mhuineacháin i dTuaim, 3-13 le 2-9. An tseachtain dár gcionn theip orthu le pointe amháin i gcoinne Mhaigh Eo, arís i dTuaim, 1-10 le 2-8. Thosaigh Sarah ar an líne leathchúl ar chlé nuair a fuair siad a dara bua sa tsraith le bua cuimsitheach ar Thír Eoghan, 2-20 le 1-2, thuas i nGarbhachadh i dTír Eoghan ar an 21 Feabhra. Thosaigh Sarah ar an líne leathchúl ar chlé arís an tseachtain dar gcionn ach ní raibh deireadh mhaith le mí Feabhra acu nuair a fuair Ciarraí an ceann is fearr orthu thíos sa bhFionnúig ar an 28 Feabhra, 2-8 le 2-15.

 

 

Bhí Sarah Ní Loingsigh agus mná na Gaillimhe i bPáirc na nGael, Ard Mhaca ar an Domhnach, 6 Márta, ag fáil an ceann is fearr ar an fhoireann baile sa tSraith Náisiúnta Peile Roinn 1, 1-19 le 3-7.

 

Bhí Tadhg Ó Máille sa gcúl d'fhoireann Faoi 21 na Gaillimhe a theip orthu i gcoinne Ros Comáin, 2-10 le 1-16, i gCraobh Chonnacht ar an Aoine, 11 Márta i gCill Tuama, Ros Comáin. Tháinig Seán Aindí Ó Ceallaigh isteach mar fhear ionad sa dara leath. Bhí Ciarán Ó Fátharta ina roghnóir.

 

Bhí Ríona Ní Fhlatharta ar an líne leathtosach ar chlé ar fhoireann Mionúir Cailíní na Gaillimhe a fuair an ceann is fearr ar Liatroim i gCraobh Chonnacht, 13-19 le 1-3 agus ar Mhaigh Eo le aon phointe amháin, 4-13 le 5-10, i gCraobh Chonnacht ar an Satharn, 19 Márta i mBealach an Doirín, Maigh Eo.

 

Bhí Rosanna Ní Bháille sa gcúl d'fhoireann Faoi 14 Cailíní na Gaillimhe a theip orthu sa gcluiche ceannais i gcoinne Mhaigh Eo i gcomórtas Blitz Chonnachta i gClár Chlainne Mhuiris ar an Domhnach, 20 Márta.

 

Scóráil Ríona Ní Fhlatharta pointe d'fhoireann Mionúir Cailíní na Gaillimhe a chríochnaigh cothrom le Ros Comáin, 4-13 le 5-10, i gCraobh Chonnacht ar Luan Cásca, 28 Márta i gCill Bhríde, Ros Comáin. Tá áit bainte amach acu anois i gcluiche ceannais Chraobh Chonnachta i gcoinne Mhaigh Eo.

 

Bhí Rosanna Ní Bháille sa gcúl d'fhoireann Faoi 14 Cailíní na Gaillimhe a fuair an ceann is fearr ar Mhaigh Eo, 4-14 le 2-8, i gCraobh Chonnacht ar an Satharn, 2 Aibreán i gCathair na Mart. Fuair siad bua cuimsitheach ar Liatroim i gCluain ar an Aoine, 22 Aibreáin, 5-20 le 2-8.

 

 

Bhí Sarah Ní Loingsigh ar phainéal Ban na Gaillimhe a theip orthu i gcoinne Chorcaigh, 1-11 le 6-15, sa tSraith Náisiúnta Peile ar an Domhnach, 3 Aibreán i dTuaim.

 

Bhí Annabel Ní Chonghaile ar phainéal Faoi 16 Cailíní na Gaillimhe a fuair an ceann is fearr ar Ros Comáin i gCraobh Faoi 16 Chonnacht i mBaile Sheáin, Ros Comáin ar an Céadaoin, 13 Aibreán, 3-12 le 3-11. Lean siad é sin le bua ollmhór ar Shligeach, 8-23 le 0-2 i Scardán ar an Céadaoin, 20 Aibreán. Chríochnaigh siad cothrom le Maigh Eo i mBéal an Átha, 1-8 le 0-11, ar an Céadaoin, 27 Aibreán.

 

Bhí Aoife Ní Mháille ar phainéal Ban Coláiste an Garda Síochána a bhuaigh Corn Uí Mhuineacháin nuair a fuair siad an ceann is fearr ar Coláiste na hOllscoile, Baile Átha Cliath ar an Déardaoi 7 Aibreán i gCill Dara, 2-14 le 1-6.

 

Foireann Ban Coláiste an Garda Síochána. Tá Aoife Ní Mháille (16) chun tosaigh, an dara duine ó chlé. (foinse Coláiste an Garda Síochána)

 

Scóráil Ríona Ní Fhlatharta pointe d'fhoireann Mionúir Cailíní na Gaillimhe agus iad ag fáil an ceann is fearr ar chailíní Mhaigh Eo i gcluiche ceannais Craobh Chonnacht ar Luan, 2 Bealtaine i mBéal Átha hAmhnais, Maigh Eo. Bhí Edel DePaor ina Oifigeach Idirghabhála. Seo é an ceathrú bliain as a chéile ag Gaillimh an craobh Mionúir Cúige a thabhairt leo.

 

Bhuaigh Rósanna Ní Mháille agus Cailíní Faoi 14 na Gaillimhe Craobh Chonnacht ar Domhnach, 8 Bealtaine i mBaile an Locha, Maigh Eo, agus iad ag fáil an ceann is fearr ar chailíní Mhaigh Eo sa gcluiche ceannais, 3-17 le 5-8.

 

Bhí Tadhg Ó Máille ar phainéail Sóisir na Gaillimhe a fuair an ceann is fearr ar Liatroim, 1-15 le 1-7, i gcluiche leathcheannais Craobh Chonnacht ar an Céadaoin, 4 Bealtaine i dTuaim. Theip orthu sa gcluiche ceannais in aghaidh Mhaigh Eo, 0-12 le 1-11, thuas i gCora Droma Rúisc ar an Satharn, 21 Bealtaine. D'imir Antaine Ó Laoi (0-2), mac le Joe Joe Antaine, mar lán tosach.

 

Theip ar Anabel Ní Chonghaile agus ar Cailíní Faoi 16 na Gaillimhe i gcluiche ceannais Craobh Chonnacht ar Chéadaoin, 18 Bealtaine i mBéal Átha hAmhnais, Maigh Eo, nuair an fuair an fhoireann baile an ceann is fearr orthu le aon phointe amháin agus iad ag scóráil dhá chúl ag deireadh na himeartha chun an scór deireadh a fhágáil Mhaigh Eo 4-7 Gaillimh 3-9.

 

 

 

 

 

 

 

 

.